Miudiño
Traballamos para mellorar a vida das persoas e dos espazos que habitamos.
SOBRE NÓS
Somos unha cooperativa galega de traballo asociado e sen ánimo de lucro. Desde 2015 desenvolvemos espazos, experiencias, produtos e recursos que promoven o benestar emocional, a saúde comunitaria e a conexión coa natureza e o patrimonio galego.
Reunimos psicoloxía social, educación ambiental, enxeñaría, paisaxismo, artesanía, cultura e xogo para dar respostas útiles e adaptadas a comunidades educativas, organizacións, profesionais e familias.
Persoas, contornas e unha única saúde
En Miudiño traballamos desde o enfoque de Unha única saúde, entendendo que o benestar das persoas non pode separarse da saúde dos espazos, das comunidades e da natureza que nos rodea.
Por iso non nos limitamos a crear actividades ou produtos. Ofrecemos coñecemento, ferramentas e contornas para vivir mellor: espazos máis naturais, experiencias de xogo e participación, recursos para procesos de cambio e propostas que poñen en valor o patrimonio galego.
O noso traballo parte da prevención e da promoción da saúde: transformar os lugares que habitamos tamén pode mellorar como nos sentimos, nos relacionamos e construímos comunidade.
A NOSA ORIXE
Un proxecto que medrou con nós
2015
Miudiño naceu en 2015 da unión dun músico, unha psicóloga e un carpinteiro que compartían unha mesma inquietude: achegar a cultura, a natureza e o xogo á infancia.
Primeiros Anos
Os primeiros anos estiveron ligados á música, aos contos, aos xogos tradicionais e á vontade de devolverlles aos nenos e ás nenas o protagonismo sobre o seu tempo e os seus espazos.
2017
En 2017, o encargo dun centro educativo para crear elementos musicais de exterior abriu unha nova etapa: o traballo nos patios escolares. A partir de aí incorporáronse novas disciplinas e coñecementos ata poder acompañar todo o proceso de transformación dun espazo.
Hoxe
Hoxe Miudiño é un equipo multidisciplinar que continúa explorando novas posibilidades, mantendo a curiosidade e o compromiso do primeiro día.
Facemos propostas útiles, pensadas para funcionar
Apaixónanos ver como unha proposta ben pensada pode cambiar a relación das persoas cos espazos que habitan.
Traballamos desde:
- A escoita e a comprensión das necesidades reais.
- O coñecemento técnico e a experiencia práctica.
- A adaptación de cada proposta ao seu contexto.
- O rigor profesional e o respecto polos códigos éticos de cada disciplina.
- A creación de solucións propias e duradeiras.
- A honestidade á hora de explicar o que pode funcionar e o que non.
- O traballo cooperativo e a colaboración con outras entidades.
Non utilizamos conceptos como natureza, benestar ou emoción como simples etiquetas. Detrás de cada proposta hai investigación, experiencia, metodoloxía e persoas especializadas.
O Noso Equipo
Un equipo que mestura saberes
Judit
Psicoloxía, proxectos e emocións
Diego
Enxeñaría forestal e educación ambiental
Silvia
Xestión, crianza e comunicación
Raquel
Paisaxismo, deseño e botánica
Ambrosio
Carpintaría artesá e xoguetería
César
Música, carpintaría e creación
COLABORACIÓN
Traballamos en rede
Formamos parte de redes profesionais, culturais e cooperativas que comparten a vontade de construír unha economía e unha sociedade máis xustas. Estas redes permítennos compartir coñecemento, colaborar e seguir facendo medrar os proxectos con rigor e responsabilidade.
Tes un proxecto ou unha idea entre mans?
Cóntanos que necesitas, que queres transformar ou que che gustaría poñer en marcha. Falamos contigo para entender o contexto e ver como podemos axudar.
