Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.
Espazos de xogo
¿Brincamos?
Xogando Miudiño
Espazo de xogo libre con brinquedos tradicionais.
Un espazo de xogo que ofrecemos en aluguer con monitor, para festas, festivais, romarías, festas históricas… Nel atoparás brinquedos clásicos neste tipo de espazos como: zancos, aros, a ferradura, tiracoios, construcións…nos imos un pouco máis aló.
En “Xogando Miudiño” hai un espazo bebés con mantas de abanear, carriños, cabaliños de balanzo… un espazo de brinquedos sonoros para a exploración musical, un espazo de medios de locomoción e outros pequenos xoguetiños cos que seguro non has quedar indiferente.
Terra
Espazo de xogo con material natural non estruturado.
Terra é un paso máis na nosa concepción do xogo. Ficamos abraiados polas múltiples posibilidades do material natural non estruturado (pólas, liscos de madeira, pedras, cana…) e todo o beneficio que o seu emprego supón para as creativas cabeciñas dos nosos cativos. O espazo é sempre o mesmo…pero nunca é igual: en cada evento cobra unha nova vida, que os nenos se encargan de lle dar.
Este espazo de xogo ofrécese en aluguer con monitor, para festas, festivais, romarías, festas históricas…
Voa, Voa!
Espazo de xogo libre arredor da arte de voar.
Entre paxaros de arame que se converten en bochas de xabón, avións de papel e madeira, helicópteros, hélices, paracaídas, paxaros e os seus niños, alas para vestir e botarse a voar e moitos outros artefactos máis, Voa,Voa! convértese no momento e espazos perfectos para botar a voar a imaxinación: a experimentar co vento, brincar co ar e deixarse levar polo fascinante mundo da arte de voar.
Este espazo de xogo ofrécese en aluguer con monitor.
A Brincar
Espazo de xogo libre con brinquedos tradicionais e creativos.
A diversidade do material ofertado permite brincar, experimentar e gozar, poñer a proba habilidades de puntería, equilibrio, velocidade ou estratexia con diferentes xogos e xoguetes que van mudando para poder explorar novas posibilidades de xogo.
Este espazo de xogo ofrécese en aluguer con monitor.