Pinta e colorea “Os nosos bosques”

Non se pode defender o que non se ama e non se pode amar o que non se coñece

“Coñecer para amar” é unha colección que desexa contribuír cunha pequena mostra do gran coñecemento que temos na Galiza para nomear os seres vivos que nos acompañan, esperando sementar amor nos corazóns para coidar e defender a biodiversidade na nosa terra.

Pinta e colorea baseado no libro “Os nosos bosques”, conta con 45 ilustracións de animais, vexetais e paisaxes cos seus respectivos nomes en diferentes grafías, e así poder practicar e mellorar a comprensión de primeiras lectoras, co obxectivo de proporcionar unha nova ferramenta de lecer, que permita á cativada aprender a recoñecer e nomear os seres vivos que nos rodean ao tempo que crean fermosas ilustracións.

O trazo sinxelo das ilustracións de Clara Cerviño, a variedade de formas a pintar, e a gramaxe do papel permitiránlles dar renda solta á imaxinación empregando unha ampla variedade de ferramentas para dar cor.