Nenos, nenas, vellos e vellas levan gozado a mans cheas das súas propostas polas máis destacadas feiras, festas, festivais e romarías populares do país.
Coa música como elemento común, Cé orquestra pantasma ofrece varios formatos individuais ou combinables entre si.
Miudiño ofrece obradoiros para nenos, nenas, vellos, vellas e para todos aqueles que queiran poñer ao alcance das súas mans a creación de brinquedos tradicionais e a experimentación sonora con elementos naturais.
Apostando pola necesidade do xogo libre con material natural de calidade, ofrecemos diversos espazos de xogo, baseados ben no brinquedo tradicional ben no material natural non estruturado, para deleite e convivencia de toda a xente grande e pequena que neles queiran participar.
Amamos e protexemos aquilo que coñecemos. Con Diego García recuperamos a voz dos contadores de historias, creamos, descubrimos fermosos percorridos e temos axuda para a xestión de estupendas hortas, sabendo que só mediante o coñecemento vivencial da natureza poderemos chegar a vivir en harmonía.
Renaturalización e enriquecemento das propostas de xogo nos espazos exteriores fan que poidamos embarcarnos nesta travesía de cambio educativo, apoiándonos na Psicoloxía e na Educación Ambiental.
Conxugamos artesanía con seguridade e sustentabilidade, apostando polo mundo natural, tanto nos materiais empregados coma nos acabados. Os xoguetes feitos en materiais nobres ofrecen peso, olores, temperatura e textura que estimulan a discriminación sensorial, o coñecemento do medio e a transmisión de valores.
Dando vida ás ideas e inquedanzas que xorden nas nosas cabezas, con moita calma e agarimo, con moita música e fermosos sons, editámolas para compartir con toda a xente que con nós queira gozar e, con ritmo e alegría, nun novo mundo, bailar.
Sabemos da necesidade de unir infancia e natureza para un desenvolvemento óptimo das nenas e nenos que criamos e educamos, mais cal é o noso rol como persoas adultas nesta relación?
Na relación adulta-natureza, para nós é importante a reflexión sobre tres conceptos relacionados: o respecto, o disfrute e o coñecemento. Lanzámosvos algunhas cuestións que esperamos que vos axuden a definir onde estades!!!
A bitácora de Miudiño nace coa idea de ser semente dun cambio de mirada do mundo adulto cara unha maior conexión da infancia co mundo natural e o xogo libre
