Xacia

38,00 IVE incl.

A Xacia Miudiña é unha fermosa boneca elaborada artesanalmente, con corpo de algodón e recheo de lá natural cardada.Leva dobre saia: unha magnífica cola de peixe en algodón que se pode quitar para deixar á vista ás pernas e a saia. O cabelo de lá natural é decorado con flor e tinguido artesanalmente con tinturas naturais por  Veilavén Artesanía.

Agotado

SKU: 210102 Categoría:

Parentes das mulleres e homes peixe do mar. Os xacios e as xacias viven nos pozos máis fondos do Miño.

As sereas teñen corpo de muller fermosa, con longos cabelos, e da cintura para abaixo son coma os peixes. Levan un espello e un peite, peitean os longos cabelos, cantan con doce voz sobre unha rocha. Viven en pazos de cristal cheos de riquezas baixo o mar, e das xacias dise que nos piagos posúen enormes tesouros, pero nós non sabemos de ninguén que as vise e volvese para contalo. Os xacios son parentes moi próximos dos nixen e das nixies xermánicos e teñen os seus mesmos costumes. Engadimos nós que tamén son curmáns dos strömkarl suecos, dos fossegrim noruegueses, dos seemännlein, häkelmänner, hickelmänner, soëtrolde alemáns e das fenetten e dracae francesas.

Sereas tamén as hai en Portugal, en Italia, en Grecia, nos Açores (Fatas Mariñas), en Cantabria, en Euscadi (Lamiñas marinas), en Catalunya, na Bretaña (e moitas: Morgans, Groac´h Vor), en Inglaterra (Mermaids, Mer-Women), en Irlanda (Merrows, Mara-Warra), en Escocia (Ceasg, Daoine Mara, Maigh dean Mara), en Man (Ben-Varrey), en Alemaña (Watermöme), en Escandinavia (Hawfrue, Meerveiber)*.

Se quedas sen facer ruído algún á beira do río ou mar podes escoitar moitas cousas, quen sabe se o cantar dunha xacia…

*Texto extraído de: Cuba, Xoán R./ Reigosa, Antonio/ Miranda. Xosé (1999): Dicionario dos seres míticos galegos (ps.226,254,255) (Vigo:Xerais).

A boneca inclúe:  Tarxeta conto

Medidas da boneca: 43 cm (50 cm coa cola)

Idade recomendada: +2 anos

Referencia: 210102

¿Tes algunha pregunta sobre a boneca? ¡Fala connosco!

Envío gratis a partires de 100€

Os envíos para a Península e Baleares son totalmente gratuitos en pedidos superiores a 100€.

Entregas na Península e Baleares – 5€

Se dispoñemos do artículo en stock, o envío realízase por paquetería urxente con MRW, nun prazo de 24-48 horas.
Se realizas o teu pedido durante un fin de semana ou día festivo, tramítase ao seguinte día laborable. No caso de realizar o pago por transferencia bancaria, o envío tramítase unha vez recibimos o xustificante de pago.

Para máis información sobre envíos, devolucións e outras dúbidas, consulta a páxina de Envíos

Menú