Familias a monte

Comezamos o curso e o corpo xa pide….ser familias a monte! Non vos parece que xa é hora de calzar botas, preparar a roupa axeitada, poñer chuvasqueiros e aproveitar o tempo de lecer en espazos naturais?

Necesitamos movernos. Subir penedos. Construír cabanas. Dar paseos. Coñecer a nosa contorna. E como facelo? Hai moitas opcións. Libremente, de xeito individual ou colectivo ou ben participando en actividades organizadas.

Neste último eido, dende Miudiño queremos compartir o programa Familias a monte, que veñen sendo actividades na natureza para nenas, nenos e as súas familias.

Queres saber máis?

Grupo de xogo libre

Sendo a defensa do xogo libre un dos principios do noso traballo, levamos dende 2017 compartindo as tardes dos luns con nenas, nenos e persoas adultas co fin de compartir tempo  para xogar libremente en espazos exteriores.

O grupo de xogo desenvólvese maioritariamente no barrio de Freixo (Vigo)  en fincas privadas en cesión e  custodia de territorio.

Horario: Os luns, de 16:30-18:30h.

Obxectivos

• Proporcionar tempo de ocio en espazos naturais aos nenos e nenas.
• Facilitar o desenvolvemento físico, emocional e social que permite o xogo libre no medio natural. 
• Facilitar a xestión do risco por parte dos adultos.

Prezos

Persoas x familia	Sesión Solta	Mes completo
Familia de 2 persoas	12 euros	24 euros
Familia de 3 persoas	15 euros	30 euros
Familia de 4 persoas	18 euros	36 euros
Familia de 5 persoas	21 euros	42 euros

Notas

• Grupo de xogo: o luns 7 de outubro de proba. Gratuíto con inscrición previa en [email protected]
• Comezamos o 7 de outubro e rematamos o 26 de maio de 2025
• É necesaria a inscrición previa e a devolución asinada da documentación enviada.
• As actividades poderán suspenderse no caso de alertas meteorolóxicas ou chuvias superiores aos 10mm/hora.
• Todas as actividades requiren dun número mínimo de participantes para ser realizadas.

O ocio en exterior para a cativada é vital para o desenvolvemento e saúde física e emocional de nenos e nenas. É tamén necesario mostrar, de xeito lúdico e activo, a importancia de vernos como unha parte máis da natureza e medrar no respecto á vida dos seres cos que compartimos hábitat.

 E non hai mellor compaña que a da propia familia para gozar compartindo experiencias, co xogo e realización de actividades ao aire libre.

Animádevos a contactar connosco!

Nunca a sabedoría di unha cousa e a natureza outra

JUVENAL