Familias a monte

  1. Inicio
  2. A Monte
  3. Familias a monte
Cartel de familias a monte

Comezamos o outono e o corpo xa pide….ser familias a monte! Non vos parece que xa é hora de calzar botas, poñer chuvasqueiros e aproveitar o tempo de lecer en espazos naturais?

Necesitamos movernos. Subir penedos. Construír cabanas. Dar paseos. Coñecer a nosa contorna. E como facelo? Hai moitas opcións. Libremente, de xeito individual ou colectivo ou ben participando en actividades organizadas.

Neste último eido, dende Miudiño queremos compartir o programa Familias a monte, que veñen sendo actividades na natureza para nenas, nenos e as súas familias.

Así, ao xa consolidado Grupo de xogo na natureza  dos luns unímoslle o Grupo de educación ambiental os mércores, na procura de  pasar máis tempo na natureza e coñecer mellor o medio ambiente no que vivimos.

Queres saber máis?

Grupo de xogo libre

Sendo a defensa do xogo libre un dos principios do noso traballo, levamos dende 2017 compartindo as tardes dos luns con nenas, nenos e persoas adultas co fin de compartir tempo  para xogar libremente en espazos exteriores.

O grupo de xogo desenvólvese no barrio de Freixo (Vigo)  en fincas privadas en cesión e  custodia de territorio.

Horario: Os luns, de 16:30-18:30h.

Obxectivos

  • Proporcionar tempo de ocio en espazos naturais Os nenos e nenas.
  • Facilitar o desenvolvemento físico, emocional e social que permite o xogo libre no medio natural. 
  • Facilitar a xestión do risco por parte dos adultos.

Grupo de educación ambiental

Actividades e percorridos de educación ambiental en familia. Aproveitando a riqueza natural que nos ofrece a Comarca de Vigo, percorreremos diferentes praias, ríos e montes. Porque aínda que non o pareza, Vigo ten moito mais que a cidade!

Horario: Os mércores, de 17:00-18:30h.

Obxectivos

  • Proporcionar coñecemento da contorna natural de proximidade.
  • Facilitar unha visión ecocéntrica da vida.
  • Promover actitudes de custodia e respecto polo medio natural.

Prezos

Podes participar dos seguintes xeitos:

  • Días soltos: Vir de xeito ocasional: 15€/familia ao día.
  • Incorporarte nun dos GRUPOS: Escoller un grupo: 48€/familia ao mes.
  • Formar parte do CLAN: Participar nos dous grupos: 90€/familia ao mes.

No caso de pertencer a un  Grupo ou ao Clan, poderanse obter descontos en actividades e produtos de Miudiño S.Coop.Galega.

Notas

  • Comezamos o 5 de outubro e rematamos o 30 de xuño.
  • É necesaria a inscrición previa e a devolución asinada da documentación enviada.
  • As actividades poderán suspenderse no caso de alertas meteorolóxicas ou chuvias superiores aos 10mm/hora.
  • Todas as actividades requiren dun número mínimo de participantes para ser realizadas.

O ocio en exterior para a cativada é vital para o desenvolvemento e saúde física e emocional de nenos e nenas. É tamén necesario mostrar, de xeito lúdico e activo, a importancia de vernos como unha parte máis da natureza e medrar no respecto á vida dos seres cos que compartimos hábitat.

 E non hai mellor compaña que a da propia familia para gozar compartindo experiencias, co xogo e realización de actividades ao aire libre.

Animádevos a contactar connosco!

Nunca a sabedoría di unha cousa e a natureza outra

JUVENAL

Comparte nas redes

Artigos relacionados

Pai e fillo subidos abrazados a unha árbore

Adultas, infancia e natureza

Sabemos da necesidade de unir infancia e natureza para un desenvolvemento óptimo das nenas e nenos que criamos e educamos, mais cal é o noso rol como persoas adultas nesta…
Parella de nenas

O curso das novas oportunidades?

Mañá comezamos as clases en Galicia. Un inicio marcado pola incertidume, o medo, os nervios… Mais poderá ser este o curso das novas oportunidades?

Comentarios

Deixa unha resposta

O teu enderezo electrónico non se publicará Os campos obrigatorios están marcados con *

Fill out this field
Fill out this field
Por favor, introduce un enderezo de correo electrónico válido.

Menú